Lehilahy iray namono nahafaty renim-pianakaviana iray tamin’ny fomba feno habibiana no matin’ny fitsaram-bahoaka, ny asabotsy lasa teo, tao Bakilandy Distrikan’ Antsiranana II. Raha ny tati-baovao azo dia mbola nodoran’ity lehilahy nahavanon-doza ity ihany koa ny tranon’ilay vehivavy nalatsany aina taorian’izay, ka maty may kila forehitra tao ny zana-dramatoa fito taona. Nahatezitra ny fokonolona teo an-tanàna ny loza nitranga, ka niara-nirohotra ny rehetra nisambotra an’ilay mpamono olona, ary niharan’ny fitsaram-bahoaka aina solon’ny aina avy hatrany ilay rangahy nahavanon-doza. Raha vao naharay vaovao mahakasika io vono olona io ny Zandary avy ao Antsiranana, dia tonga nidina ifotony sy nijery akaiky ny zava-nisy. Misokatra ny fanadihadiana ataon’ny mpitandro filaminana ankehitriny, ka andrasan’ny rehetra ny tohin’ity vono olona nahatsiravina ity, satria raha ny fantatra hatrany, dia tsy vadin’ilay rangahy nahavanon-doza ilay ramatoa.
Eric Manitrisa