Navitrika tokoa ireo mpandray anjara avy amin’ny firaisamonim-pirenena, izay nahitana solontena amin’ireo disitrika telo ato anatin’ny faritra Betsiboka: Maevatanàna, Tsaratanàna, Kandreho nandritra ny telo andro nisesy nanomboka tamin’ny datin’ny faha: 20-21-22 Jolay taona 2026 lasa teo iny, tao amin’ny efitranom-pivorian’ny » idealy parc » Anosikely Atsimo, ato anatin’ny kaominina Maevatanàna ambonivohitra, tamin’ny alalan’ny fikaonandoham-paritra natao. Namoaka ireo hetaheta, vahaolana sy ny vinan’ny faritra ny mpandray anjara mba ho an’ny fanarenana sy fanaovazana ny firenena, indrindra ny fifampizarana anatin’ny sehatry ny famoahana ny olana maharary any amin’ny tanàna misy azy avy. Ny hananan’ny firaisamonim-pirenena vina iray, hamaritra ireo laharam-pahamehana hampandrosoana ny eto amin’ny tany sy ny firenena Malagasy no tanjona amin’ny fikaonandoham-paritra.
Ratantely
