Efa fanintelony izay ny lahatsoratra an-gazety no nanaitra fa loza manambana io dongona entina mampihena hafainganam-pandeha eo amin’ny Rocade Tsarasaotra io. Afak’omaly dia fiara tsy mataho-dàlana iray no natsipiny ary simba tanteraka ny lohany. Niala kely teo indray dia nisy kamiao iray koa niharan’ny toa izany ary mbola noho ilay dongona hatrany. Lalam-be mikodàna misy « casseur de vitesse » : eto amintsika ihany no misy izany. Indrindra koa raha harivariva dia tsy hita intsony ny marika amin’ny tany kanefa tsy misy andrin-jiro manazava ireo dongona. Mila esorina faran’izay haingana satria loza manambana tanteraka ho an’ny mpampiasa làlana.
D.R
