Samy taitra ny rehetra raha tonga ny omaly maraina nahita ity lohana fiarabe nifatratra teo
amin’ny rindrin’ny biraon’ny CISCO Toamasina renivohitra, mifanandrify amin’ny
tranombarotra Score araben’ny fahaleovantena. Raha ny fanazavan’ilay mpanampy ny
mpamily izay voatery niandry ny fiara, fa ilay mpamily nitsoaka ny tompon’andraikitra, dia
mamo ilay mpamily nandritra ny fitondrany ilay fiara ka izao nifatratra tamin’ny rindrina
izao. Niteraka fahasimbana tamin’ilay rindrina mihitsy ny fandonany azy, satria misy lavaka
sy mitriatra mihitsy ilay rindrina voadona. Tsy nisy ny naratra na maty satria andro alina,
misasak’alina, no nitrangan’ilay loza, fa raha andro antoandro aloha dia maro ihany ny naratra, na ny maty; noho ity lalana ity be mpandeha an-tongotra. Raha ny alatsinainy maraina teo dia mbola nifampitadiavana ilay mpamilin’ny fiara, saingy nipoitra ihany izy ny farany satria fantatra ny momba ilay fiara tamin’ny alalan’ny nomenaony, na noesorin’izy ireo aza ny nomeraon’ilay fiara avy ao aoriana, fa teo aloha tsy hafany. Ho hita eo ny tohin’ny raharaha fanimbana fotodrafitrasam-panjakana izao. Izay hiafara amin’ny fanamboarana ny zavatra simban’ity fiara vaventy ity.
Malala Didier
