Tokony tamin’ny 11 ora sy 30min dia nitrangana hain-trano goavana ny fokontany Andranolava P/elle n°01, raha ny fanazavana dia trano miisa enina teo no kila forehitra nandritra izany, trano enina hafa voatery noravana mba tsy hitaran’ny afo nitranga, tranom-barotra roa feno entana tsy nisy noraisina ary trano goavana fitehirizana jirofo may kila ihany koa. Raha ny fanazavana voaray avy any an-toerana dia niainga tamin’ny lakozia iray ny afo ka niampita tamina trano be ary tsy voasakana intsony ka nitarika izao fahamaizana goavana izao. Tao amin’ny tranom-barotra iray moa dia nisy vola 6.000.000 ariary may kila forehitra niampy ireo entam-barotra tao anatin’ity tranom-barotra iray ity. Tsy mba manana fiara mpamonjy voina i Fenerivo Atsinanana ka to no olana satria lasa ny vahoaka ihany no namonjy izay azo vonjena tamin’izao hain-trano goavana izao. Niasa mafy ny mpitandro ny filaminana niambina ireo jirofo tamin’izao hain-trano izao, satria tsy maintsy navotana ireo jirofo azo novonjena. Mila mitandrina ny rehetra momba ny afo fa loza ny aterany amin’izay tsy manana fiara mpamony voina sy haintrano i Fenarivo Atsinanana.
Malala Didier
