Tsy nanadino ny andro maneran-tany ny fahasalamana ny teto Toamasina, ka nisy ny hetsika nataon’ny fitaleavam-paritry ny fahasalamana atsinanana sy ny tetikasa ACCESS tohanan’ny vahoaka amerikana amin’ny alalany Usaid. Nisy ny lalao ara-panatanjahantena nataon’izy ireo sy ny mpiara-miombona antoka aminy tao amin’ny CJST, izay nahita ny lalao basket-ball sy ny lalao baolina kitra. Nisy ihany koa ny fitiliana natao samy hafa sy ny fanaovam-baksiny, ka nisy ny fanaovana vaksiny manohitra ny covid-19 teny amin’ny CJST, sy ny fitiliana momba ny diabeta tao hopitaly kely. Ankoatra izay dia nisy koa ny fanolorana solosaina ho an’ireo Medecin Inspecteur natao nandritra ity andro maneran-tany ny fahasalamana ity. Nisy koa ny fanentanana ny olona hanatona ny tobim-pahasalamana mba hisitraka ireo tolotra misy ao aminy araka ny tanjon’ny ministera hoe “fahasalamana ho an’ny rehetra, raiso an-tanana ny fahasalamanao”. Maro ireo olona tonga nanao fitiliana momba ny diabeta, saingy vitsy kosa ireo nanao vaksiny ny covid na i Toamasina aza no mitana ny laharana voalohany amin’izay fanaovam-baksiny izany. Nisy ny hafatry ny talem-paritry ny fahasalamana ny amin’ny tokony hitandremana ny tsirairay fa mbola misy eto hatrany ny Covid, ka tokony ho tohizana ny fapetra ara-pahasalamana momba izany.
Malala Didier
