Nosamborin’ny zandary ary nanaovana fanadihadiana sy naiditra am-ponja avy hatrany ny ben’ny tanànan’Ilakakabe. Halatra zaza moana sy fikasana hanapa-doha no nahavosaringotra azy ka izao nampidoboka am- ponja vonjimaika azy izao. Olona telo hafa nifanondro ho mpiray tsikombakomba tamin’ity raharaha ity ihany koa no niaraka nosamborina sy naiditra am-ponja. Raha tsiahivina dia ny 26 jona teo no nitrangan’ny fakana an- keriny sy fikasana hanapa-doha zazalahy moana iray tany an-toerana, ary dia izao sarona izao izy efa-dahy ireto. Tsy afa-niala Ingahy ben’ny tanàna nanoloana ny fanondroan’ireo telo lahy azy. Ny fanadihadiana rahateo nanamafy ny maha tafiditra azy ao anatin’ity raharaha maloto ity. Toe-javatra izay mahazo vahana any amin’ny faritra tato ho ato. Rehefa tsy zaza varira dia ankizy mety manana fahasembanana indray ataon’ireo lasibatra.
Yv Sam
