Notafihan’ny andian-dahalo nirongo fitaovam-piadiana indray tany amin’ny Kaominina ambanivohitra Ambohimiera, Distrikan’ Ifanadiana, omaly naraina, tokony tamin’ny roa ora, ka omby miisa folo no voaroba tao an-tanànan’i Tomarosana, Fokontany Ambananitomarosana. Nandritra ny fanafihana, araka ny vaovao voaray avy hatrany, dia olona telo teo an-tanàna izay niaro mafy ny fananany tsy horobain’ireo tsy mataho-tody no namoy ny ainy maty voatifitra. Manoloana ny fanafihan-dahalo mateti-piseho ity, dia miraviravy tanana ny mponina any an-toerana, izay mahatsiaro ho tsy misy mpiaro intsony, ka manaitra ny mpitondra mahefa mba hitady vahaolana maharitra sy mahomby, satria ny Gasy samy Gasy ihany no mifamotika. « Tsy vitany mandroba ireo olon-dratsy fa mandoro tanàna sy mamono mihitsy », hoy ireo mponina.
Eric Manitrisa
