Tetika maty paika. Mpividy safira iray avy any ambanivohitra nandeha moto hihazo ny tanànan’ Ilakaka no notafihana dimilahy nitondra basim-borona roa teny an-dalana, afakomaly misandratr’andro. Lasan’ny jiolahy tamin’izany ny vola fito tapitrisa ariary niampy finday roa teny aminy. Raha ny vaovao voaray dia handeha haka fiara ao Ilakaka tampon-tanàna handeha hamonjy fahoriana any amin’ny faritra Androy, tany fiaviany, ity mpibizina vatosoa sarobidy ity no voaroba. Tsy nitifitra ireo jiolahy fa rehefa azony ny rembiny dia iny izy ireo no tsy hita. Ny tany koa an-kodahoda tsy azo niantsoana vonjy.
Eric Manitrisa
