Omaly, niharan-doza ny fiaramanidina kely iray tany Isalo any Ihorombe. Vokany, olona roa no naratra. Araka ny fantatra, dia izy ireo ihany no tao anatin’ity fiaramanidina ity izay mitondra ny famantarana 5 R MDF C 172. Hatramin’izao fotoana izao aloha, tsy fantatra marina ny antony nahatonga ity loza ity. Ilay fiaramanidina tafavadika ambony ambany hita tamin’ny sary no nanaitra ny mpanara-baovao rehetra. Tsy mbola fantatra ihany koa izay anton-diany tany amin’ny faritra be mpizahatany iny. Efa misokatra ny fanadihadiana amin’izao fotoana izao.
r.s.
