Nitrangana lozam-pifamoivoizana teo amin’ny Pk 267+200 lalam-pirenena fahafito, ny alakamisy teo Ivato Centre, distrika Ambositra. Fiara 4×4 iray nifandona tamin’ny môtô, ka naratra ilay mpitondra môtô 71 taona. Maty izy io rehefa tonga tany amin’ny hopitaly. Voalaza fa tao anaty fiholanana no nisehoan’ny fifandonana mafy dia mafy ary izao nitarika ny fahafatesan’ilay rangahibe izao. Notanana avy hatrany ny mpamily ilay fiara 4×4, izay saika hihazo an’Ilakaka. Amin’ny tranga toy izao, tsy maintsy voatazona ny mpamily satria nisy fatiolona. Miafara amin’ny raharaham-pihavanana ny tranga moa rehefa tsy mitory ny fianakavian’ny maty. Manokatra fanadihadiana ny mpitandro filaminana.
Yv Sam
