- Publicité SW45 -
jeudi, mars 28, 2024
AccueilFaits-DiversLanonana tetsy Mahamasina : Mpanendaka dimy voasambotry ny pôlisy

Lanonana tetsy Mahamasina : Mpanendaka dimy voasambotry ny pôlisy

Rehefa vory moa ny vahoaka, tsy miala lavitra eny ihany koa ireo tontakely sy olon-dratsy. Niasa mafy tokoa ireo mpitandro filaminana ny alahady alina teo, nandritry ny lanonana fitsenanan’ny Barea. Fety izay notohizana, tetsy Mahamasina. Tao anatin’izany no nahatratrahan’izy ireo mpanendaka miisa dimy, tra-tehaka am-body omby teo am-panaovana ny asa ratsiny. « Ny olona variana mifaly miaraka amin’ny Barea, hoy ny fanazavana nentin’ny polisy, ny olon-dratsy kosa manao ny asa ratsiny, misaka ny paosin’ireo mpijery ». Soa ihany araka izany, fa nitazana sy nitily ary niambina teny foana ireo pôlisy. Nanara-maso izay mety ho fihetsiky ny tsirairay tao anaty vahoaka tao. « Ankoatry ny fitandroana ny filaminana teny an-toerana dia mitsirika ireo mpanao asa ratsy ihany koa ny Polisim-pirenena izay tsy kely lalana fa manararaotra ny lanonana mahavory vahoaka tahaka izao»

Niara-niasa teny an-toerana ireo pôlisy avy ao amin’ny hery vonjy taitran’ny pôlisim-pirenena sy ny teo anivon’ny kaomisaria foibe tetsy Tsaralalàna ary ny pôlisy avy eo anivon’ny kaomisarian’ny boriborintany fahadimy. Tao anatin’izany no nahatratran’izy ireo ny fihetsika nampiahiahin’ireo olon-dratsy. Nopaingorina avy hatrany teo am-panaovana ny asa ratsiny izy ireo ary tsy afa-nikofoka. Raha ny fanazavana azo hatrany dia tafiakatra dimy ny isan’ireo tontakely voasambotra nandritra io fotoan-dehibe tetsy Mahamasina io. Samy nentina nihazo avy hatrany ny biraon’ny pôlisy moa ireto olon-dratsy ireto ary notazomina natao andrimaso avy hatrany ho amin’ny famotorana azy ireo, mandram-piandry ny fanolorana azy ireo eny anivon’ny Fampanoavana.

m.L

- Publicité Google Ads -
Suivez nous
276,361FansJ'aime
4,243SuiveursSuivre
611AbonnésS'abonner
Articles qui pourraient vous intéresser

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici