Tsy mionona amin’ny fandrobana ny omby intsony ny dahalo any amin’iny tapany atsimo iny ankehitriny, fa mandatsaka ny ain’ny tsy manan-tsiny. Ny alin’ny sabotsy lasa teo, tokony ho tamin’ny 8ora alina, dia tovovavy iray 16 taona izay mpianatra taona voalohan-dry masera no maty tsy tra-drano notifirin’ny dahalo teo amin’ny tendany. Teo ampiomanana hamonjy sasakalin’ny krismasy ity tovovavy ity sy ny fianakaviany no tonga tampoka ny dahalo 20 mahery nanafika tao an-tranony. Saika handositra ity tovovavy ity no notifirin’ny dahalo teo amin’ny tendany. Raha ny vaovao voaray dia, tokan-tranona mpampiantra iray ao Mahabibokely ao tampon-tanànan’i Mahabo no voatafika, ka lasan’ny malaso tamin’izany ny omby miisa 27 sy entana maro.
Eric Manitrisa