Nahoraka tao Mahajanga ny fandosiran’ireo gadra notanana tao amin’ny Fonja Vaovao namboarin’ny Croix Rouge,ny alin’ny 2 janoary hifoha 3 janoary. Ny vaovao voaray avy amin’ny mpitandro filaminana no nahalalana fa, valo izy ireo no indray nandositra io alina io. Ny enina tamin’izy ireo dia fantatra ny anarany : Razafinomenjanahary Gaël Fredo, Gustavo dit Douze, Tsaradia Felix, Ralaivao Jean Ernest, Rabezanahary Noelson, Rabenandrasana Sylvano. Ny roa kosa dia tsy fantatra ny mombamomba azy . Mbola mitohy ny fikarohana azy ireo amin’izao fotoana izao. Tamin’ny fotoana nandosirany, nolavahan’izy ireo ny rindrina dia teo ry zalahy no nivoaka. Efa naparitaka amin’ny mpitandro filaminana any an-toerana ny momba azy rehetra ireo.
r.s.
