Nitrangana lozam-pifamoivoizana nahafatesana olona tsy manan-tsiny indray tany Mahajanga omaly. Vehivavy roa no niara-maty voahitsaky ny fiarabe iray mpitatitra vato tao Belobaka, ka maty tsy tra-drano ny ramatoa iray manodidina ny 35 taona, rehefa tonga tany amin’ny hopitaly Loterana kosa no namoy ny ainy ny iray faharoa. Raha ny fantatra dia nanana olana mekanika, tapaka “rotule” tampoka ity kamiao nahavanon-doza, ka nanitsaka an’ireto renim-pianakaviana roa nandeha tamin’ny sisin’ arabe. Araka ny tati-baovao voaray avy any an-toerana, tato anatin’ny roa andro izao, dia lozam-pifamoivoizana telo samihafa no niseho tao Mahajanga tampon-tanàna izay namoizana ain’olona efatra. Afak’ omaly tolakandro, raim-pianakaviana iray no maty nodomin’ny “bus” teo amin’ny Sotema, ary ny anio alina ihany koa, rangahy iray nitondra “moto” nandeha mafy no maty nianjera raha niala lalan-dratsy tampoka tao Ambalavola.
Eric Manitrisa