Raim-pianakaviana iray tratran’ny fokonolona nangalatra jirofo sy namaky trano no naratra mafy voafirafiran’ny antsy teo amin’ny lohany sy ny vantany, ny tolakandron’ny alahady teo, tamin’ny 4 ora, tany Namorona, distrikan’i Mananjary. Noho ny ratra mafy sy fahaverezan-drà nahazo azy dia mbola miady amin’ny fahafatesana hatramin’izao ny tenany vokatry ny fitsaram-bahoaka nihatra taminy. Leom-boan’anana amin’ny asa sy fomba ratsiny tsy mety fay mihitsy ataon’ity lehilahy gadra lava ikoizana amin’ny vaky trano ity ny mponina teo an-tanàna, ka raha vao tra-tehaka teo am-pangalarana jirofo izy dia niharan’ny fitsaram-pokonolona avy hatrany. Eo am-pelatanan’ny mpitsabo tokana miasa ao amin’ny CSB II any Namorona ny ain’ ity mpangalatra malaza ity ankehitriny, hoy ny vaovao.
Eric Manitrisa
