Mananjary : Mpianatry ny onivesiten’i Barikadimy, hita faty tao anaty rano

Tovolahy iray mpianatry ny oniversite ao Barikadimy Toamasina nivahiny tany Mananjary, no hita faty tao anaty rano ambanin’ny tetezan’ Andovosira, ny alatsinainy naraina teo, tamin’ny 6 ora tany ho any. Raha ny fanazavana azo avy any an-toerana nampitain’ny fianakavian’ny maty, dia ny asabotsy naraina teo ity tovolahy ity no nanomboka tsy hita intsony rehefa niara-nandro tamin’ny namana iray tamin’io renirano io. Nampandre haingana ny olona teo an-tanàna ilay tovolahy niaraka nandro tamin’ilay hita faty, ka natao ny fikarohana rehetra sy ny fombafomban-tany misy, kanefa tsy nahitam-bokatra izany. Fantatra araka ny loharanom-baovao marim-pototra voaray, fa betsaka fadifady amin’io renirano io, ka raha tsy mahatandrina ny vahiny na mandika na manotafady, dia azon-tsampona avokoa, ary tsy vitsy ny namoy ny ainy teo, ka misy andro maromaro mihitsy vao hita ny fatiny.
Eric Manitrisa