Hefarana no tato anatin’ ny distrikan’ i Moramanga ny sampana fanabeazana sy fisorohana eo anivon’ ny Bianco Toamasina,ny 27 ka hatramin’ ny 30 aogositra 2019. Voakasiky ny fihaonana ny teo anivon’ny sampan-draharaham- pampianarana, ireo misahana ny fahasalamam-bahoaka, ny misahana ny fananan- tany, ny Jirama, ny mpanao fizaha ara-teknika momba ny fiara ary ny kaominina ambonivohitra Moramanga sy kaominina ambanivohitra Ambohibary. Ny fanamafisana ny fahaiza-manaon’ ireo tompon’ andraikitra voakasika no natao, satria efa fantatra araky ny lalàna izay milaza fa tsy maintsy misy rafitra miady amin’ ny kolikoly eo amin’ ny sehatry ny asam- panjakana. Nanentana ireo fiarahamonim-pirenena ny amin’ ny fandraisana amin’ ny ady amin’ ny kolikoly eo amin’ ny fanabeazana ny olom-pirenena mba handà sy tsy handefitra. Tsy vitsy ireo fikambanana no mbola liana amin’ ny fihaonana amin’ ireto tompon’ andraikitra namita ny asany teto Moramanga ireto.
Cathy
