Zazavavy 11 taona no niharan’ny fanolanana ary mitondra ny fahasarotan’ny fitsaboana amin’ilay zaza amin’izao fotona izao, noho ny herisetra tafahoatra nahazo azy.Ny raikeliny ihany no nahavanon-doza ary efa ela no nitsiriritany an’io zaza io raha ny nambarany tamin’ireo polisy nanao fanadihadiana azy.21 taona ity raim-pianakaviana nahavanon-doza ity ary fony ity zaza ity vao dimy taona no nanomboka niditra teo amin’ny fiainan’izy mianaka ilay lehilahy.Tsy naharitra intsony ny filan-dratsiny izy ka niandry ilay renim-pianakaviana niantsena no nanaovany ny toetra ratsiny.Nitaraina tamin’ny mpiray vodirindrina aminy ilay zaza; noho ny fandrahonan’ilay rangahy azy ka tsy nahasahiany nitaraina mivantana tamin’ny reniny ary ireo mpiara-monina no nampilaza avy hatrany ny polisy ny 25 jolay 2016 ary nahatonga ny mpitandro filaminana avy hatrany kosa no nanao ny fisamborana ity lehilahy nahavanon-doza.Tsy mandefitra amin’ny fanaovana ny herisetra amin’ny ankizy ny polisim-pirenena ato Moramanga hoy hatrany ny kaomisera Ramahenina Anselme aminy dia ireny ankizy ireny rehefa manao antoka tsara ny amin’ny fiarovana azy dia mazoto amin’ny fiatrehana ny hoaviny.Miantso ny olom-pirenena rehetra izy hiara-hiaro ireny ankizy ireny.Efa any am-ponja ny alakamisy 28 jolay teo ilay lehilahy nahavanon-doza, hoy ny nambaran’ny kaomiseran’ny polisim-pirenena eto Moramanga tamin’ny mpanao gazety , ny asabotsy 30 jolay 2016.
CATHY