Tsy vitan’izany fa ny zanany naterany ihany no niharan’izany fanararaotana ara-nofo izany. Ny zanany vavimatoa izay 14 taona no naolany nandritry ny fotoana tsy naha-teo ny vadiny sy ny zanany hafa. Tany Antsahalavabe, fokontany iray eo anivon’ny distrikan’ny Soavinandriana no nisian’izany. Rehefa namotopototra an-janany ny reniny dia nahatsikaritra pilina fanabeazana aizana. Nanontaniana ihany ilay zazavavy ary nont farany dia nilaza izy fa naolan-drainy ary norahonany tsy hitantara izany. Tapa-kevitry ny nametraka fitoriana ny vadiny izy ary io farany raha vao nahafantatra an’izany dia nitsoaka. Tsy hita hatramin’izao, efa ho tapa-bolana lasa izay, raha araka ny vaovao avy any an-toerana. Karohina izy ankehitriny ary na ny sariny aza dia efa mipetaka eo amin’ny lisitry ny olona tadiavin’ny mpanao fanadihadiana. Niteraka resa-be ao an-tanàna arak’izany ny zava-niseho satria mpanabe izay natao hananatra sy hampita fahalalàna indray no nanondrana. Tsy vitan’izany fa heloka izay nataony tamin-janany ihany. Fantany ny havesatry ny hadisoany ary nahatonga azy ny nitsoaka avy hatrany tao an-tanàna. Mandeha ihany koa ny savahao ankehitriny.
D.R
