Ny ainy sisa no tsy nanaraka ! Ny alatsinainy hariva lasa teo, tovolahy iray no tra-tehaky ny fokonolona teo am-panaovana ny asa ratsiny teny amin’iny faritra Androndrakely iny. Teo am-panendahana mpandeha an-tongotra iray mihitsy ranamana no niantso vonjy ny lasibatra. Tsy nitaza-potsiny ireo nahatsikaritra fa avy hatrany dia niray hina nanenjika an’ilay mpanao sinto-mahery. Tsy lasa lavitra akory ilehio dia voasambotra. Mazava ho azy fa niainga avokoa ny daroka sy ny vono isan-karazany. Nanamparan’ireo nahatratra ny hatezerany mihitsy ity olon-dratsy. Soa ihany fa nisy nampandre avy hatrany ny pôlisy ary tonga teny an-toerana sy niezaka nandamina ireo fokonolona. Nentina notsaboina moa ingahy mpanendaka izay naratra ihany ary notazomina natao famotorana taorian’izay. m.L
Articles qui pourraient vous intéresser