Namoy ny ainy avy hatrany. Mpitaingina moto iray no maty nofaohin’ny fiara tsy mataho-dàlana tetsy Maharidaza, teo amin’ny lalam-pirenena faharoa. Teo am-pisongonana kamiao ilay fiara 4X4 no nifatratra tany amin’ilay kodiaran-droa. Tapaka ny làlana vokatr’izany ary tsy maintsy tonga ny zandary nanao ny fanadihadiana ka nitazona avy hatrany ny mpamily. Olana hatrany ny fifamoivoizana amin’ny lalam-pirenena. Na dia efa mba nisy ezaka nihatsara aza ny làlana sasany dia ny hakeliny sy ny fisian’ny fiolanana isaky ny mandeha dia mitera-doza. Mila fitandremana tanteraka ny manamory fiara na kodiaran-droa eny amin’ny lalam-pirenena.
Nangonin’I D.R
