Habibiana indray no nitranga tany Ankazobe, ao amin’ny kaomina Tsaratanàna any amin’ny distrikan’i Port-Berger, ny voalohandohan’ny herinandro lasa teo. Ramatoa lehibe iray no hita faty teny an-tanimboly, niboridana tanteraka. Ny fizahana nataon’ireo mpitsabo no nahafantarana fa nisy nanolana ity ramatoa ity. Niafara hatramin’ny famoizany ny ainy mihitsy izay zavatra nihatra taminy izay, raha ny fampitam-baovao. Hatreto dia mbola tsy fantatra izay olona mety ho nahavita izao habibiana izao. Fantatra kosa fa efa eny am-pelan-tanan’ny mpitandro filaminana any an-toerana ny raharaha, hikarohana izay nahavita izao habibiana izao.
m.L