Ny 03 oktobra lasa teo, tokony ho tamin’ny fiandohana ny tolakandro, tao amin’ny tanàna iray antsoina hoe « Antanambao-Soaline, fokontany Antaimby, ao anatin’ny distrikan’i Sambava, dia naheno fofona hafahafa ny olona manodidina ny tranon’ny mpandraharaha iray mifanila vody rindrina. Nojerena avy hatrany ny zava-misy. Nodondomin’ny mpifanila vody rindrina aminy aloha ny varavaran’ny trano nisy an’ilay fofona. Tsy nisy namaly , dia niroso avy hatrany ireo olona namoha an’ilay varavarana, izay tsy nihidy lakile. Akory ny hatarain’ny olona, raha nahita ny fatin-dRabarison Fernandel, mpivarotra maty nihantona. Araka ny fampitam-baovao voaray tany an-toerana, dia tamin’ny 02 oktobra maraina, no nahitan’ny fokonolona an-dRabarison Fernadel farany. Tonga tany an-toerana ny mpitandro ny filaminana sy ny mpitsabo nanokatra ny fanadihadihana. Ho hita eo ny tohiny.
Anastase
