Mampitaraina ireo vahoaka ao amin’ny fokontany misy azy ny toetra sy ny fihetsika tsy mendrika ataon’ny sefom-pokontany ao amin’ny cité Manguiers parecelle 32/21-22. Nivoaka tamin’ny fahangonany ny mponina ao amin’ity fokontany ity noho ity ramatoa sefom-pokontany ity. Voakitakita mihitsy ireo olona rehetra maka taratasy fanamarinam-ponenana izay nijoro vavolombelona tamin’ny mpanao gazety ; tena mahavita mandrahona ny mpiara-monina aminy mihintsy ity ramatoa sefom-pokontany ity araka ny filazan’izy ireo tamin’ny mpanao gazety. Izany fahalalana olona ambony eto amin’ny firenana izany no anaovany izao fihetsika mamoan-tsampona izao ao amin’ny fokontaniny. Vokatra izany dia miantso ireo tompon’andraikitra mahefa ny mponina ao amin’ny fokontany cité des Manguiers, mba hijery akaiky izao raharaha misy izao. Tsy mendrika sefom-pokontany ny toetra asehon’ity ramatoa ity, ka ilaina ny fandraisana fepetra mikasika azy. Mandrahona hiroso amin’ny fitokonana ireo vahoaka ao amin’ny fokontany ka hitondran’izy ireo sora-baventy hitaky ny fialan’ity sefom-pokontany ity, raha tsy andray fepetra ny fanjakana.
Malala Didier
