Niakatra fanadihadiana anatiny teo anivon’ny vondrona misy azy ireo, ny mpitandro ny filaminana efatra. Ny anton’izany, dia noho ny firaisan’izy ireo petsapetsa amin’ny mpivarotra rongony eny amin’ny faritra iva. Loharanom-baovao teo anivon’izy ireo ihany no nahafantarana, fa avelan’ireo manao ny asaratsiny ireo mpivarotra, dia hangalany sarany izany nony avy eo. Mazava ho azy noho izany fa, lasa tsy misy tahotra sy henatra intsony ny mponina eny amin’ireo toerana voakasika amin’ny fananatontsana ny asany. Torak’izany ihany koa, lasa miparitaka be ny zava-mahadomelina ; izay efa iaraha-mahalala fa fototry ny herisetra sy ny asan-jiolahy eto an-drenivohitra. Niitatra ilay fanadihadiana izay natao teo anivon’ny « inspection » an’io vondrona io. Ny antony, dia noho ny fanononan’ireo izay efa nohenoina ny namany hafa izay tany amin’ny sampana hafa no niasa. Midika izany fa efa mandeha manao tambajotra ary miparitaka eo anivon’ity vondron’ny mpitandro ny filaminana ity ny fiarovana ireo mpivarotra zava-mahadomelina.
D.R
