# Nisy fanadihadiana nisokafana mahakasika ilay vaovao izay nahoraka eraky ny tambajotra sosialy sy haino aman-jery sasantsasany izay nitatitra ny fisian’ny manampahefana iray izay voalaza fa mpisotro toaka loatra. Ny nianjadian’ny fanadihadiana, raha araka ny vaovao izay nohamarinina, dia ny mpitsabo ilay olom-pantatra. Izany hoe ny fomba niparitahan’ny antontan-taratasy mahakasika ny fahasalaman’ilay olona no tena antony nanokafana ny fanadihadiana.
# Tsy sangisangy akory ny resaka cybercriminalité sy ny andininy faha-20 satria efa misy ny miomana ny amin’izany. Misy ny fitadiavana manam-pahaizana amin’ny fikirakirana solosaina mandeha amin’izao fotoana izao ary ny tena asa iandraiketan’izy ireo dia ny fahafantarana ny loharanon’ny fandefasana karazana filazàna amin’ny tambajotran-tserasera. Izany hoe ho fantarina hatramin’ny farany, na amin’ny anarana hafa aza, ny nivoahan’ny fandefasana sary na soratra izay mety manelingelina amin’ny tambajotra sosialy…
# Ho tapaka tanteraka ny làlana rehetra izay mampitohy an’i Mahamasina manomboka anio amin’ny efatra ora tolakandro. Mazava hoazy fa tsy dia tsara intsony ny mitondra fiara mandritr’ity fetin’ny fahaleovan-tena ity satria maro loatra ny làlana izay notapahina ary tsy maintsy hiteraka fitohananana etsy sy eroa izany no koa hiteraka fikorontanan’ny fifamoivoizana…
D.R