Tovolahy mpiandry omby roa manodidina ny 16 taona eo ho eo no maty nilatsaham-baratra afak’omaly, tany Andranovory Toliara II. Rehefa latsaka ny orambe nivatravatra, dia niezaka nialoka tamina hazo kininina iray ireto mpiarak’andro ireto. Nirefotra indray mandeha anefa ny varatra naherivaika, ka avy hatrany dia niantefa tany amin’ireto zazalahy mpiandry omby. Tsy nisy naninona kosa ireo omby nandrasan’izy roalahy izay niraoka ahitra teny an-tampon-tanety tsy lavitra teo, hoy ny vaovao.
Eric Manitrisa