- Publicité SW45 -
vendredi, mars 29, 2024
AccueilFaits-DiversTsiroanomandidy : Fibodoana tany, nihetsika ny mponina

Tsiroanomandidy : Fibodoana tany, nihetsika ny mponina

Mahatsapa ho hiharan’ny tsindry azo lena sy fanararaotam-pahefana ireo zanaka Atsimo monina any amin’iny distrikan’i Tsiroanomandidy iny. Resaka tany eto ilay raharaha. Ben’ny tanana iray sy ny sefo fokotany any an-toerana no voalazan’izy ireo fa ambadik’izany ka nanaovan’izy ireo hetsika ny faran’ny herinandro teo, ho fanairana sy hanaovana antso avo amin’ireo tompon’andraikitram-panjakana isan-tokony. Ny zava-nisy : misy tany mitondra ny reference FN:13_0/88, ao amin’ny fokontany Avaratsena, distrikan’i Tsiroanomandidy. Io tany io, izay voalaza fa tanim-panjakana dia nambaran’ireto zanaka Atsimo ireto fa efa nohajarian’izy ireo amam-polon-taonany maro, nanomboka ny taona 1988 tany ho any. Efa niroso tamin’ny fangatahana izany izy ireo tamin’izany fotoana izao ary manana ny antonta-taratasy rehetra sy nanaja ny antanan-tohatra tokony handehanana. Efa azo lazaina araka izany fa efa nisitraka tanteraka ny zo teo amin’ity tany ity ireto olona ireto. Ny nampalaelo anefa, raha nanao foto-drafitrasa teo amin’izany toerana izany ireto olona ireto dia « namoahana didy avy eo anivon’ny kaominina fa hoe tsy manara-dalàna, ary tokony hatsahatra avy hatrany ». Tsy vitan’izay fa rehefa mba nitaky ny zony ary mba niezaka nikarakara izany tany ireto olona ireto dia mahatsiaro ho voarirarira sy voakatom-bavaravarana eny anivon’ny kaominina. « Efa olona telo samihafa ihany koa no namarotana ny tany ao avaratsena, izay niraisin’ny ben’ny tany ao Tsiroanoamandidy. Rehefa anay ny mikarakara dia asiana olana fa rehefa olon-kafa dia mandeha ho azy. Izahay efa tamin’ny taona 1988 fa ny an’ny sasany taona 2021 » hoy izy ireo. « Rehefa izahay atsimo ve dia tsy mahazo tany ? ka tsy rariny izany ary hijoro izahay ary tsy hanaiky satria hafatra napetran’ny ray amandreninay ny fananany io tany io fa noho ny tsindry sy fanaparam-pahefana dia nilefitra izy na dia nanamaintimolaly ilay toerana aza » hoy ny zanaky tompokolahy Reitinony izay tompon’ny toerana. Izay toe-javatra izay moa no nahatonga ireto olona ireo nanao ity fihetsiketsehana sy fangatahana ity tao Tsiroanomandidy. 

Nangonin’i m.L

- Publicité Google Ads -
Suivez nous
276,361FansJ'aime
4,243SuiveursSuivre
611AbonnésS'abonner
Articles qui pourraient vous intéresser

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici