Napetraka tamin’ny fomba ofisialy amin’ny maha governoran’ny faritra Vakinankaratra azy Atoa VyVato Rakotovao , nyTalata 3 Martsalasateo. Teo amin’ny zaridain’ny faritra no nanatontosana ny lanonana ara- panjakana ; izay notarihan’ny filohan’ny antenimieram-pirenena Christine Razanamahasoa. Nanombohana ny fotoana ny fanaovan-tsonia ny famindran-draharaha teo amin’ny filohan’ny faritra mpisolo toerana sy ny governora hitantana ny faritra, natrehana minisitra telo mirahalahy sy ireo tale jeneraly avy ami’ny fiadidiana ny Repoblika io fanaovan-tsonia io. Nanehony fahavonona ny hampandroso an’i Vakinankaratra ny governora VyVato, nanome toky izy fa hitondra fahazavana ho an’ny faritra .Namafisiny tamin’ny fandraisam-pitenenany izay nilazany fa » ny biraon’ny faritra dia ho vatalehibe ho an’ny tolo-tsaina sytolo-kevitra hoentina miara-miantsoroka ny fampandrosoana. Ho milina lehibe fanodidina ireo tetikasa mba hivaingana. »
RahaTsiahivina, 11 volana no nitondran’ny lehiben’ny faritra mpisolotoerana, na fampandehan-draharaha aza no tena niandraketany dia niezaka nampihodina ny faritra izy ary nijery manokana ny fandaminana anatiny sy ny tetibola isan-tsokajiny mba hanamora ny fandraisan’ny governora vaovao notendren’ny fanjakana foibe.
Andry N.
