Taorian’ny fahavakisan’ny vavasaha (fisokafan’ny taom-piotazana lavanila tamin’ny fomba ofisialy), ny 15 jolay teo, dia nirongatra izay tsy izy ny fivarotan-tena ataon’ireo ankizy tsy ampy taona, ary roboka nanome fahafinaretana ara-nofo an’ireo mpanam-bola hatramin’ny tovolahy, ary efa lasa lamaody sahy haseho masoandro any an-toerana ankehitriny ny fiarahan’ny lahy samy lahy. Tamin’ny fanadihadiana natao no nahafantarana, fa manodidina ny telo hetsy Ariary eo ny vidim-pitombenana, ary tovolahy iray misy miaraka amin’ olona telo samihafa ao anatin’ny indray andro. Avy amina faritra maro ireo tanora mivaro-tena ao Sambava, ka misy ny avy aty an-drenivohitra. Raha ny nambaran’ireo mpampanofa tena, dia ny faran’ny herinandro no tena mandeha be ny tsenan’izy ireo, ka ireo tovovavy vahiny fotsy fihodirana malama volo (tsy makoa) sy ireo zarazara hoditra « frisé » volo izay lava bikana no tena be mpitady, raha tovolahy (manafo) ranjanana kosa no be mpanjifa, ka misy amin’ireo tsy ampy taona mivaro-tena no mahazo hatramin’ny iray tapitrisa Ariary.
Eric Manitrisa
